Sərdar Yusifoğlu: “Amerika və Avropa ölkələrində təhsil alan gənclərimizlə görüşdə İlham Əliyevə səs verməyə çağırış etdi”
Ölkəmizdə yaşayan vətəndaşlarla yanaşı, xaricdə təhsil alan tələbələrimizin də seçkidə iştirakı vacibdir. Bunun üçün aidiyyəti dövlət qurumları və qeyri-hökumət təşkilatları qarşıdan gələn növbəti prezident seçkiləri ilə bağlı təbliğat və təşviqat işləri aparırlar. Bu baxımdan “Gəncliyin Elmi Mədəni İnkişafı” (GEMİ) İctimai Birliyi tərəfindən də xaricdə təhsil alan tələbələrimizin seçki fəallığının artırılması üçün onlarla görüşlərin keçirilməsi və maarifləndirməsi tədbirləri həyata keçirilir.
GEMİ İB-nin mətbuat xidmətinə müsahibə verən GEMİ İB-nin sədri Sərdar Yusifoğlu qeyd etdi ki, görüşlərin əsas məqsədi xaricdəki həmvətənlərimizin seçkidə iştirakını asanlaşdırmaqdır: “Bildiyimiz kimi, “GEMİ” dünyanın 12-dən çox ölkəsinə tələbələr göndərir. Bizim bakalavr, magistratura və doktorantura üzrə, həmçinin xarici dili öyrənmə kursları, habelə müxtəlif sahələr üzrə təcrübələrin artırılması proqamları üzrə xaricdə təhsil alan tələbələrimiz var. Artıq illərdir ki, bu proses davam etməkdədir. Və bizim təşkilatın İdarə Heyəti tərəfindən bu dəfə belə bir təşəbbüs irəli sürüldü ki, Təşkilat Sədri özü şəxsən xaricdə yaşayan vətəndaşlarımızla görüşlər keçirsin və onları qarşıdan gələn prezident seçkilərində növbəti dəfə cənab İlham Əliyevə xaricdəki gənc səfirlərimiz olaraq səslərini versinlər.