Prezidentliyə namizədliyini irəli sürənlərin sayı açıqlandı

On üç nəfər Prezidentliyə namizədliyini irəli sürərək müvafiq sənədləri Mərkəzi Seçki Komissiyasına təqdim edib.

Gemi.az-ın Oxu.az-a istinadən məlumatına görə, bunu dairə seçki komissiyalarının sədrləri üçün keçirilən müşavirədə Mərkəzi Seçki Komissiyasının (MSK) sədri Məzahir Pənahov deyib.

M. Pənahov bildirib ki, beş nəfərin namizədliyi MSK tərəfindən təsdiqlənib.

Onlar hakim Yeni Azərbaycan Partiyasının sədri və Prezidentliyə namizədi İlham Əliyev, Milli Məclisin deputatı Zahid Oruc, Azərbaycan Liberal Demokratik Partiyasının sədri Fuad Əliyev, öz təşəbbüsləri ilə namizədliklərini irəli sürən Tural Abbaslı və Anar Umudovdur.