Martin Russakın bu şeiri ABŞ Kommunist Partiyasının nəşr etdiyi marksist jurnal “New Masses”-in 1928-ci ilin iyun ayı buraxılışında çap olunmuşdur.
Nə gözəl, nə gözəldir,
Jakkard maşınında toxuduğum
yaşıl, qızıl, bənövşəyi
işartılı çiçəklər…
Onlar mənə,
Heyldonda bir çəməni,
düzəni
və ağacları xatırladır…
Bahar…
Parıldayır günəşdə çobanyastığılar…
Gözəl Jakkard çiçəkləri…
Onlar mənə,
sevimli Pekvannok sahillərini
və göz qamaşdıran yamaclarını xatırladır…
Ey gözəl və həzin;
hüznlü Jakkard çiçəkləri…
Nazim Hikmət tərcüməsini uyğunlaşdıran: Əmmar Əkbər