Aprelin 4-də axşam saatlarında və aprelin 5-nə keçən gecə ərzində bütün cəbhə boyu vəziyyət gərgin olaraq qalıb.
Gemi.az Müdafiə nazirliyinə istinadən məlumat verir ki, cəbhə xəttinin Xocavənd-Füzuli və Ağdərə-Tərtər istiqamətlərində itirilmiş mövqelərinin geri alınmasının heç bir nəticə vermədiyini anlayan Ermənistan tərəfi qoşunların təmas xəttinə yaxın yaşayış məntəqələrini atəşə tutmaqda davam edir.
Bu istiqamətdə düşmənin ən iri hərbi bazalarından biri sayılan, Ağdərə şəhərinə aparan əsas yol üzərində və onun şimalında yerləşən strateji baxımdan əhəmiyyətli Madagiz məntəqəsindəki hərbi bazanın qərargahı dəqiq zərbələrlə dağıdılıb.

Gənclər təşkilatının sədri cəbhə xəttinə baş çəkib.

“Gəncliyin Elmi-Mədəni İnkişafı” İctimai Birliyinin (GEMİ) sədri Sərdar Yusifoğlu bir neçə ictimai fəal gənclərlə birlikdə Tərtər rayonuna gedərək, cəbhə xəttindəki vəziyyətlə tanış olub.

GEMİ-nin mətbuat xidmətindən verilən məlumata görə, təşkilat rəhbərliyi Tərtər rayonundakı vəziyyətlə tanış olub, sakinlərlə fikir mübadiləsi aparıb.

S.Yusifoğlu aprelin 2-də şəhid olan Tərtər sakini Nicat İsgəndərovun dəfn mərasiminə qatılıb.

Məlum olduğu kimi, Azərbaycanın cəbhə boyu mövqeləri və yaşayış məntəqələri Ermənistan tərəfindən intensiv atəşə məruz qalıb.
Erməni silahlı qüvvələrinin Tərtər rayonunun cəbhə xəttində yerləşən Seydimli kəndini artilleriya atəşinə tutması və mərmilərdən birinin kənd sakini Sahib Vəliyevin həyətyanı sahəsinə düşməsi nəticəsində evin sahibi və onun 13 yaşlı nəvəsi, Seydimli kənd tam orta məktəbinin VIIa sinif şagirdi Sənan Vəlizadə yaralanıb. Gemi.az Təhsil Nazirliyinə istinadən məlumat verir ki,  qolundan qəlpə yarası alan S.Vəlizadə hazırda Bərdə Müalicə-Diaqnostika Mərkəzində müalicə alır.

Aprelin 4-də təhsil naziri Mikayıl Cabbarov Bərdə şəhərində vətəndaşları qəbul edir.
Gemi.az Təhsil Nazirliyinə istinadən məlumat verir ki, qəbuldan öncə nazir Ermənistan silahlı qüvvələrinin Tərtər rayonunun cəbhə xəttində yerləşən Seydimli kəndini artilleriya atəşinə tutması nəticəsində yaralanaraq, Bərdə Müalicə-Diaqnostika Mərkəzində müalicə alan Seydimli kənd tam orta məktəbinin VIIa sinif şagirdi Sənan Vəlizadəyə baş çəkib, onun vəziyyəti və müalicəsinin gedişi ilə maraqlanıb.

Azərbaycan Respublikası Gənclər Təşkilatları Milli Şurası gəncləri, vətəndaşları düşmən tərəfindən aparılan informasiya müharibəsinə cavab verməyə çağırır. Gemi.az Apa-ya istinadən xəbər verir ki, bu barədə  Gənclər və İdman Nazirliyinin mətbuat xidmətindən məlumat verilib.

“Ermənilər tərəfindən #Karabakh, #KarabakhNow, #NKpeace teqləri altında facebook və twitter sosial şəbəkələrində aparılan qaralama kampaniyasını dayandıraq!

Aprelin 3-dən başlayaraq Azərbaycan Silahlı Qüvvələrinin cəbhə xəttində birtərəfli qaydada düşmənə qarşı əks-həmlə əməliyyatını və cavab tədbirlərini dayandırmasına baxmayaraq Ermənistan tərəfi vəziyyəti gərginləşdirməkdə davam edir.
Gemi.az Müdafiə Nazirliyinə istinadən xəbər verir ki, düşmən tərəfi itirilmiş mövqelərinin geri qaytarılması məqsədilə cəbhənin əsasən

Türkiyə Dəyanət Vəqfi Bakı türk liseyinin müdiri Kadir Bektaşoğlunun maliyyə dəstəyi, Xəzər İntellektual Gənclər Klubu, Gəncliyin Elmi-Mədəni İnkişafı İctimai Birliyi və Yeni Yol təşkilatçılığı ilə “Nə? Harada? Nə zaman?” oyunu üzrə "III Oliqarx Kuboku" keçirildi. Yarış Türkiyə Dəyanət Vəqfi Bakı türk liseyinin akt zalında baş tutdu.

Azərbaycanın Polşadakı səfirliyi Varşava şəhər meriyasında “Polyak memarlar Azərbaycanda” adlı sərgi təşkil edib.
Gemi.az-ın  Diaspora.az-a istinadən verdiyi  məlumata görə,səfirlikdən bildirilib ki,aprelin 1-dən 15-dək davam edəcək sərgidə XIX əsrin sonu, XX əsrin əvvəllərində Bakı şəhərində polyak memarlar Yuzef Qoslavski, Kazimej Skureviç, Yuzef Ploşko və Euqeniuş Skibinski tərəfindən layihələşdirilmiş binaların şəkilləri nümayiş etdiriləcək.

Bakı Dövlət Universiteti tələbələrin təqaüd problemi ilə bağlı növbəti dəfə açıqlama yayıb.

Nazirlər Kabinetinin 6 fevral 2016-cı il tarixli 38 saylı qərarı ilə tələbə təqaüdlərinin verilməsinin yeni qaydaları müəyyən edilib. Bu qaydalara əsasən, təqaüdlər tələbənin semestr ərzində müvəffəqiyyətini müəyyən edən Ümumi Orta Müvəffəqiyyət Göstəricisi (ÜOMG) nəzərə alınmaqla hesablanmalı və dövlət sifarişi ilə təhsil alan tələbələrlə yanaşı, ödənişli təhsil alan tələbələrə də şamil edilməlidir.

“ABŞ qondarma “Dağlıq Qarabağ Respublikası”nın müstəqilliyini tanımır”.

Gemi.az-ın Apa-ya istinadən məlumatına görə, bu barədə  ABŞ-ın Azərbaycandakı səfirliyindən Havay ştatının separatçı Dağlıq Qarabağ rejiminin müstəqilliyini tanıması ilə bağlı qəbul etdiyi qətnaməyə münasibət bildirilərkən deyilib.